Արամէական լեզուն,գիրը եւ գրականութիւնը պահպանելու օժանդակութիւն. «Աշլէյ Նիսապա»
Մայր լեզուն եւ գիրը պահպանելը, ինչպէս նաեւ զանոնք յաջորդ սերունդներուն փոխանցելը հսկայական մարտահրաւէր են, զոր արամէացիները ամենաշատ կը դիմագրաւեն սփիւռքի մէջ: Լեզուն եւ գիրը՝ որպէս էական մաս արամէական մշակոյթին, արամէացիներուն ինքնութեան համար յոյժ կարեւոր են: Թուրապտինը շրջանը՝ Թուրքիոյ հարաւարեւելքը գտնուող, յատուկ դեր խաղցած է արամէական պատմութեան մէջ: Անիկա կը համարուի արամէական լեզուի եւ մշակոյթի բնօրրանը: Բազմաթիւ նշանակալից սիրիանի ուղղափառ վանքեր ու եկեղեցիներ կան, ուր լեզու եւ մատենագրութիւն կը դասաւանդուին:
Սփիւռքի մէջ արամերէնը պահպանելու եւ դասաւանդելու համար պատշաճ հաստատութիւններու եւ ուսուցիչներու պակաս կայ: Հետզհետէ արաբերէնի եւ արաբական մատենագրութեան վարպետ արաբներուն թիւը կը պակսի, եւ ըստ այնմ արամէական գրականութեան գոյատեւումը կը վտանգուի:
Արամերէնի պահպանումը՝ Յիսուսի խօսած լեզուին պահպանումը, հսկայական ջանքեր կը թելադրէ: «Աշլէյ Նիսապա» նախաձեռնութիւնը իր առջեւը նպատակ դրած է արամերէնը եւ արամէական գրականութիւնը վերստին փայլեցնել անցեալի ճոխութեամբ այնպէս, որ ապագայի սերունդները մեծապէս կարեւորեն իրենց մշակոյթն ու պահպանեն արամէական ինքնութիւնը:
